臺灣閩南語常用詞辭典

附錄
俗諺»十二畫
俗諺 讀音 釋義
喙食,予尻川坐數。 Tshuì tsia̍h, hōo kha-tshng tshē-siàu. 比喻貪圖眼前的快樂,必遭後殃。
喙脣皮相款待。 Tshuì-tûn-phuê sio khuán-thāi. 口頭上應酬、應付。
喙飽目睭枵。 Tshuì pá ba̍k-tsiu iau. 比喻一個人貪得無厭。
媒人保入房,無保一世人。 Muê-lâng pó ji̍p pâng, bô pó tsi̍t-sì-lâng. 比喻所謂的保證,都是有一定限度和範圍的,沒有辦法保證永久或全部。
惡馬惡人騎。 Ok bé ok lâng khiâ. 比喻壞人自有比他更凶惡的人來懲治他。
揀啊揀,揀著一个賣龍眼。 Kíng--ah kíng, kíng-tio̍h tsi̍t ê bē lîng-gíng. 用來勸人不要過份挑剔,以免最後找到一個最壞的。
攑頭三尺有神明。 Gia̍h thâu sann tshioh ū sîn-bîng. 告誡人不可做壞事,否則將來必有報應。
敢做匏桸,著毋通驚水燙。 Kánn tsò pû-hia, tio̍h m̄-thang kiann tsuí thǹg. 比喻敢做敢當。
棚頂做甲流汗,棚跤嫌甲流瀾。 Pênn tíng tsò kah lâu-kuānn, pênn kha hiâm kah lâu-nuā. 比喻不了解當事人的辛苦而任意批評。
無三不成禮。 Bû sam put sîng lé.比喻禮多人不怪。後也用在負面說法,指錯誤一再發生是自然的現象。
無日毋知晝,無鬚毋知老。 Bô ji̍t m̄ tsai tàu, bô tshiu m̄ tsai lāu. 比喻光陰易逝,很容易在不知不覺中荒廢。
無毛雞假大格。 Bô môo ke ké tuā-keh. 比喻一個人明明沒有真材實料,卻打腫臉充胖子。
無牛駛馬。 Bô gû sái-bé. 比喻退而求其次,暫且代用。
無米有舂臼,無囝抱新婦。 Bô bí ū tsing-khū, bô kiánn phō sin-pū. 比喻一個人不務實,不切實際。
無彼號尻川,想欲食彼號瀉藥。 Bô hit-lō kha-tshng, siūnn beh tsia̍h hit-lō sià-io̍h. 比喻一個人自不量力。
無枷夯交椅。 Bô kê giâ kau-í. 比喻自找麻煩。
無通生食,哪有通曝乾。 Bô thang tshinn tsia̍h, ná ū thang pha̍k-kuann. 比喻數量不足,不可能有多餘的留下來。
無魚,蝦嘛好。 Bô hî, hê mā hó. 比喻退而求其次。
無禁無忌,食百二。 Bô kìm bô khī, tsia̍h pah-jī. 比喻百無禁忌。
猴也會跋落樹跤。 Kâu iā ē pua̍h-lo̍h tshiū-kha. 比喻任何事都有可能發生意外,千萬不可大意。
畫虎畫皮無畫骨,知人知面不知心。 Uē hóo uē phuê bô uē kut, ti jîn ti bīn put ti-sim. 比喻人心難測。
等物僫到,等人快老。 Tán mi̍h oh kàu, tán lâng khuài lāu. 等東西很難等到,等人容易變老。
菜蟲食菜,菜跤死。 Tshài thâng tsia̍h tshài, tshài-kha sí. 比喻玩火自焚。
買田愛揀好田底,娶某愛揀好娘嬭。 Bé tshân ài kíng hó tshân té, tshuā-bóo ài kíng hó niû-lé. 用來說明妻子家教的重要。
買厝,買厝邊。 Bé tshù, bé tshù-pinn. 用來強調鄰居的重要。
買賣算分,相請無論。 Bé-bē sǹg hun, sio-tshiánn bô lūn. 說明生意與人情之間有清楚的界線,不應相混。
趁也著趁,食也著食。 Thàn iā-tio̍h thàn, tsia̍h iā-tio̍h tsia̍h. 用來勸人不要只會賺錢,該花用的時候也得花用。
趁錢有數,性命愛顧。 Thàn-tsînn iú sòo, sènn-miā ài kòo. 賺錢要適時而為,不可不顧生命賺錢。比喻人應注意身體健康,不可不顧生命賺錢。
跋一倒,抾著一隻金雞母。 Pua̍h tsi̍t tó, khioh-tio̍h tsi̍t tsiah kim ke-bó.比喻因禍得福。
痚呴袂忍得嗽。 He-ku bē lún tit sàu. 比喻心中有話要說,不吐不快。
媠䆀無比止,愛著較慘死。 Suí bái bô pí tsí, ài-tio̍h khah-tshám sí. 情人眼裡出西施。

回上一頁