臺灣閩南語常用詞辭典

附錄
俗諺»六畫
俗諺 讀音 釋義
共天公借膽。 Kā Thinn-kong tsioh tánn. 比喻膽大包天。
囡仔人尻川三斗火。 Gín-á-lâng kha-tshng sann táu hué. 比喻小孩不怕寒冷。
囝婿是半子。 Kiánn-sài sī puàn-tsú. 女婿如同家人,算是半個兒子。
在生一粒豆,較贏死了拜豬頭。 Tsāi-senn tsi̍t lia̍p tāu, khah iânn sí-liáu pài ti-thâu. 提醒人行孝要及時。
好也一句,歹也一句。 Hó iā tsi̍t kù, pháinn iā tsi̍t kù. 指一句話會影響人一輩子。勸人說話要把握分際。
好心予雷唚。 Hó-sim hōo luî tsim. 比喻好心沒好報。
好歹在心內,喙脣皮相款待。 Hó-pháinn tsāi sim-lāi, tshuì-tûn-phuê sio khuán-thāi. 不管好壞都放在心裡,表面上還是要客客氣氣,以禮相待。
好田地不如好子弟。 Hó tshân-tē put-jû hó tsú-tē. 有萬貫家財,不如有優秀的下一代。
好囝毋免濟,濟囝餓死爸。 Hó kiánn m̄-bián tsē, tsē kiánn gō-sí pē. 比喻小孩不必多,能孝順父母最重要。
好好鱟刣甲屎那流。 Hó-hó hāu thâi kah sái ná lâu. 比喻不會做事,把事情弄得一團糟。
好酒沉甕底。 Hó-tsiú tîm àng-té. 意指好戲在後頭。
好額毋值著會食,好命毋值著勇健。 Hó-gia̍h m̄-ta̍t-tio̍h ē tsia̍h, hó miā m̄-ta̍t-tio̍h ióng-kiānn. 比喻身體健康比起財富身家都還更重要。
收瀾收予焦,予你生一个有𡳞脬。 Siu-nuā siu hōo ta, hōo lí senn tsi̍t ê ū lān-pha.此諺是在嬰兒四個月時,大人替嬰兒收口水時所講的吉祥話,希望嬰兒的母親明年將可生一個男孩子。
收瀾收離離,明年招小弟。 Siu-nuā siu-lī-lī, mê-nî tsio sió-tī. 收口水收得乾淨一點,明年才可以招來一個小弟弟。此為收口水時的吉祥話。
有一好,無兩好。 Ū tsi̍t hó, bô nn̄g hó. 福無雙至。
有囝有囝命,無囝天註定。 Ū kiánn ū kiánn miā, bô kiánn thinn tsù-tiānn. 安慰膝下無子的人不要過於強求。
有狀元學生,無狀元先生。 Ū tsiōng-guân ha̍k-sing, bô tsiōng-guân sian-sinn.比喻學生常比老師傑出。
有食閣有掠。 Ū tsia̍h koh ū lia̍h. 比喻一件好事還另有其他附加價值。
有唐山公,無唐山媽。 Ū tn̂g-suann kong, bô tn̂g-suann má. 早期從唐山來臺開墾的男子多與平埔族女性通婚,而造成此現象。
有喙講甲無瀾。 Ū tshuì kóng kah bô nuā. 比喻費盡唇舌。
有量就有福。 Ū-liōng tō ū hok. 有度量才有福氣。
有樣看樣,無樣家己想。 Ū iūnn khuànn iūnn, bô iūnn ka-kī siūnn. 除了模仿他人,也應自行創作。
有燒香有保庇,有食藥有行氣。 Ū sio-hiunn ū pó-pì, ū tsia̍h io̍h ū kiânn-khì. 比喻一分耕耘,一分收穫。
死目毋願瞌。 Sí ba̍k m̄ guān kheh. 指死不瞑目。
死皇帝毋值得活乞食。 Sí hông-tè m̄-ta̍t-tit ua̍h khit-tsia̍h. 比喻好死不如賴活。
死蛇活尾溜。 Sí tsuâ ua̍h bué-liu. 比喻事情尚未告一段落,還留著一個尾巴。
死道友,無死貧道。 Sí tō-iú, bô sí pîn-tō. 死的是道友,不是自己。一種自私的風涼話。
老人毋講古,少年毋捌寶。 Lāu-lâng m̄ kóng-kóo, siàu-liân m̄ bat pó. 老人家有許多年輕人不懂的知識經驗。
老的老步定,少年的較懂嚇。 Lāu--ê lāu-pōo-tiānn, siàu-liân--ê khah táng-hiannh. 老人家較持重,少年人比較莽撞。
耳仔生兩葉,家己看袂著。 Hīnn-á senn nn̄g hio̍h, ka-kī khuànn bē tio̍h. 比喻人看不到自己的缺點。
行船走馬三分命。 Kiânn-tsûn tsáu bé sann hun miā. 意謂從事交通運輸行業的人,生命的風險很高。
西北雨,落袂過車路。 Sai-pak-hōo, lo̍h bē kuè tshia-lōo. 說明午後雷陣雨下得非常短暫。
西瓜倚大爿。 Si-kue uá tuā pîng. 形容人趨炎附勢。
囡仔人有耳無喙。 Gín-á-lâng ū hīnn bô tshuì. 斥責小孩子不要亂問大人的事,就算聽見了也不可以亂傳。

回上一頁