分類索引
分類詞目索引» 人及人體»生理構造»頭
| 詞目 |
頭
部首：頁
181-07-16
 0521
|
| 音讀 |
thâu
|
| 釋義 | 1. 首、腦袋。例：大頭 tuā thâu、挵著頭 lòng tio̍h thâu(撞到頭)。2.  第一的、最初的。例：頭幫車 thâu pang tshia(第一班車)。3.  表示方位、地方或場所的詞尾。例：頂頭 tíng-thâu(上面)、火車頭 hué-tshia-thâu(火車站)。4. 居前的領導人物。例：工頭 kang-thâu。 王5.詞綴，可加於某些詞語後。例：日頭 ji̍t-thâu(太陽)、骨頭 kut-thâu、看頭 khuànn-thâu、興頭 hìng-thâu(興致)。 6. 根本、源頭。例：樹頭 tshiū-thâu、風頭 hong-thâu。7. 事情的開端。例：有頭有尾 ū-thâu-ū-bué(有始有終)。8. 時間的開始階段。例：年頭 nî-thâu、月頭 gue̍h-thâu。9. 碎屑、一點點。例：布頭 pòo-thâu(小碎布)、豆頭 tāu-thâu(豆渣)。10. 事、物的前端。例：船頭 tsûn-thâu。11. 最初得到的東西。例：藥頭 io̍h-thâu(頭一劑藥)、果子頭 kué-tsí-thâu(剛出的水果)。12.  果菜或貨物批發時，大、中盤商用來計算一大籮菜或是一批貨的單位。一頭等於半擔或一籮，一擔就是兩頭。例：一頭菜 tsi̍t thâu tshài(一籮菜)、一頭貨 tsi̍t thâu huè(一批貨)。13. 一方、一邊。例：這項買賣，一頭欲，一頭毋。Tsit hāng bé-bē, tsi̍t-thâu beh, tsi̍t-thâu m̄. (這項買賣，一邊要，一邊不要。比喻價錢或條件談不攏。) 14. 指頭髮。例：洗頭 sé-thâu、梳頭 se-thâu、剃頭 thì-thâu(剪頭髮)。 |
| 又見音 |  thiô、thôo |
| 反義詞 | 尾 |
| 回上一頁 | |