| 詞目 | 拄 部首：手 064-05-08 |
| 音讀 | tú |
| 釋義 | 1. 以一物頂住、抵住另一物。例：這欉樹仔愛用柴箍拄咧才袂倒去。Tsit tsâng tshiū-á ài īng tshâ-khoo tú--leh tsiah bē tó--khì. (這株樹要用木塊抵住才不會倒下。)；用鐵枝拄門。Iōng thih-ki tú mn̂g. (用鐵條支撐門。) 2. 抵。價值相當可互換。例：伊欠錢毋還，我提伊的跤踏車來拄。I khiàm-tsînn m̄ hîng, guá the̍h i ê kha-ta̍h-tshia lâi tú. (他欠錢不還，我拿他的腳踏車來抵債。)；掠我拄數 lia̍h guá tú-siàu(拿我抵帳)。3.  剛才。例：伊拄走。I tú tsáu. (他剛走。) 4. 相遇、遇見。例：阮佇門口相拄。Guán tī mn̂g-kháu sio-tú. (我們在門口相遇。)  搪、碰、遇5. 頂撞。例：我講一句伊就拄一句。Guá kóng tsi̍t kù i tō tú tsi̍t kù. (我說一句他就頂撞一句。) 6.  連接兩个相同形容詞，來反駁對方。例：講著偌俗拄偌俗，結果比人加貴百外箍。Kóng tio̍h guā sio̍k tú guā sio̍k, kiat-kó pí lâng ke kuì pah-guā-khoo.(說是多便宜又多便宜，結果比別人貴了一百多元。) |